Periudha optimale për përfundimin e dialogut midis Beogradit dhe Prishtinës, të cilin SHBA-ja thuhet se ka ngulur këmbë që të kryhet në 18 muajt e ardhshëm, shkruan agjencia ruse e lajme Sputnik duke ju referuar burimeve të brendshme.

Sipas këtij shkrimi pas kësaj, do të vijojë një konferencë ndërkombëtare.

“Prishtina, së bashku me bekimin e Amerikës, iu drejtua propozimeve të vendeve evropiane për të kërkuar që Marrëveshjes së Brukselit ti jepej një afat kohor. Siç mësojmë, propozimi rendit afatin prej 18 muajsh si periudhë optimale për përfundimin e dialogut me Beogradin, pas së cilës duhet të vijojë një konferencë ndërkombëtare. Prishtina ka marrë tashmë nga disa vende përgjigje pozitive ndaj propozimit të saj, por jo nga vendi kryesor i BE-së – Gjermania”, shkruan Sputnik, transmeton Indeksonline.

Në anën tjetër, Milovan Drecun thekson se Beogradi dëshiron që procesi i Brukselit të jetë i suksesshëm dhe se sa më shpejt kjo çështje të zgjidhen dhe se nuk ka asgjë kundër tij në rendin e ditës të vënë disa tema të reja të tilla si çështja e kthimit të serbëve, duke sqaruar fatin e të zhdukurve, pronës dhe statusit të AKS-së. Sipas Drecun, këto janë të gjitha temat nga të cilat shqiptarët i ikin vazhdimisht.

Megjithatë, një ndër gjërat kryesore sipas burimit të sputnik, është se shqiptarët duhet të japin një datë për realizimin e asaj që është shtylla themelore e procesit të Brukselit, që është krijimi i Komunave me shumicë serbe.